Nyhende

Eit nytt og ambisiøst forprosjekt kan bli starten på ei heilt ny satsing på ombruk i byggnæringa på Søre Sunnmøre. Prosjektet har nyleg fått 1,35 millionar i midlar frå Miljødirektoratet, og skal undersøke potensialet og grunnlaget for å etablere ein eller fleire ombrukssentralar for byggemateriale i regionen.

Ulstein Næringsforum og Ulstein kommune deltok nyleg på den første samlinga i Kunstlandskap MIDT, eit regionalt kunstprosjekt som varer fram til 2030. Saman med Herøy har Ulstein fått midlar frå Sparebankstiftelsen SMN til å utvikle nye kunstprosjekt i offentlege rom, og arbeidet er no for alvor i gang.

Ulstein kommune og Herøy kommune har fått tildelt 1,5 millionar kroner kvar gjennom satsinga Kunstlandskap Midt. Til saman utgjer dette 3 millionar kroner til eit felles prosjekt for kunst i offentleg rom.