Trivselsgata ligg i Ulsteinvik sentrum og strekk seg frå rådhuset, via Alti Blåhuset og til Amfi. I dag lever den ikkje heilt opp til namnet sitt, men det skal det verte ei endring på!
I 2024 søkte vi saman med Ulstein kommune om kr 800 000 frå Møre og Romsdal fylkeskommune til vidareutvikling av Trivselsgata, som vi var så heldige å få innvilga. Til no har vi i tillegg motteke kr 100 000 frå Kulturdepartementet si KORO-ordning til kunst i Trivselsgata, kr 300 000 frå Miljødirektoratet si Natursats-ordning samt kr 100 000 frå Sparebankstiftinga Søre Sunnmøre.
Vi har etablert ei prosjektgruppe beståande av vår sentrumskoordinator og prosjektleiar Rebekka Louise Knotten, planleggar Cecilie Roppen og kommuneoverlege Inger Lise Kaldhol i Ulstein kommune samt solid kompetanse med Siri Myklebust og Ingvild Yri i Norconsult.
Målet med prosjektet er utvikle bygolvet i Ulsteinvik – altså å gjere plassen mellom bygga enda meir sosial, attraktiv og trygg for mjuke trafikantar <3
No ønsker vi DINE innspel, ønsker og meiningar – følg denne lenka for å kome til innspelsskjema!
Vi ønsker oss innspel frå folk i alle aldrar, og vi set stor pris på alle som tek seg tid til å bidra 😀
Du kan òg kontakte prosjektleiar direkte på rebekka@ulstein-nf.no/95 92 77 99.