BM Kontorservice AS vart stifta I januar 2015 og er snart i sitt niande år. Dei driv med sal av kontorrekvisita og kontormøblar til både bedrifter og privatpersonar her på Søre Sunnmøre. Dei har eit breitt sortiment der kontorstolar, hev/senk-kontorpultar, oppbevaring, kantine- og konferansemøblar er det dei sel mest av.
I 2023 flytta dei ut av sine lokalar i Saunesmarka og til Bjørndalsvegen. Bakgrunnen for flyttinga var at dei ønska å endeleg realisere draumen om starte ei underavdeling – nemleg ein bruktbutikk. I mars opna dei Worn! Dette er eit konsept der kunden leier ei bod og sel sine brukte kle. Man kan på ein måte seie at kunden driv sin eigen lisje butikk. Dei likar å spøke med at Worn er Ulsteinvik sitt største kjøpesenter med over 40 butikkar. Responsen og tilbakemeldingane på Worn er overveldande, og dei har hatt mykje booking av bodar og sal av kle. Du kan lese meir om Worn, og kanskje til og med booke deg ei bod, på worn.no.
For BM Kontorservice er Ulstein Næringsforum eit viktig apparat. Dei understrekar nytta forumet har for dei som driv butikk og anna næring i Ulstein. Spesielt når det kjem til informasjon om aktivitetar og å leggje til rette for aktivitet i Ulsteinvik.
BM Kontorservice ønskjer stadig å utvikle seg og få fleire bein å stå på. I løpet av første del av 2024 ønskjer dei å realisere enda eit nytt konsept i Bjørndalsvegen. Følg med!