Ulstein Næringsforum inviterer til frukostmøte med fokus på beredskap, samfunnstryggleik og samhandling mellom offentlege og private aktørar. I ei tid prega av eit meir usikkert trusselbilete blir evna til å handtere uønskte hendingar stadig viktigare, både for kommunar, verksemder og innbyggjarar.
På møtet møter du:
- Ulstein kommune, som vil dele perspektiv på kommunen si rolle innan samfunnstryggleik og beredskap.
- Sivilforsvaret, som gir ei oppdatering om beredskapsarbeid og samfunnet si samla motstandskraft.
- Tussa, som fortel om beredskap og tryggleik knytt til kritisk infrastruktur og energiforsyning.
- Kongsberg Maritime, som deler erfaringar frå arbeidet med beredskap, sikkerheit og kontinuitet i ei global verksemd.
Målet med samlinga er å skape større forståing for kvarandre sine roller og leggje til rette for godt samarbeid når det verkeleg gjeld.
Velkomen til eit lærerikt og aktuelt frukostmøte i regi av Ulstein Næringsforum.