Gründergløgg på Skaparhuset

Vi inviterer til Gründergløgg – ein sosial og inspirerande ettermiddag for deg som er gründer, sjølvstendig næringsdrivande, eller berre nysgjerrig på gründerlivet.
Møt andre skaparglade folk, få påfyll av inspirasjon og kos deg med gløgg (med og utan futt i), julekaker og gode samtalar på Skaparhuset.

 4. desember kl. 16.30–18.30
 Skaparhuset, Ulsteinvik
 Gratis – inkludert gløgg og kaker
 Del av Julstein adventskalender

 Sunnmøre Strikkefestival – festivalen som har sprunge rett inn i hjartet på ei heil målgruppe og treft tida midt i blinken.
 Randorama – den heilt nye toppturfestivalen som debuterer på Sunnmøre i mars, og som allereie skapar buzz.
Kva har strikk og topptur til felles? Mykje meir enn du trur! Bak kulissene ligg dei same utfordringane:
finansiering, marknadsføring, realitetssjekkar, målgrupper, partnarar, risiko – og modige val.

 Josefine Spiro frå teamet i Joda Media
Strategisk historieforteljing og frå idé til vekst på rekordtid.
JoDa Media jobbar med noko alle verksemder treng, men få meistrar fullt ut: å fortelje historia si på ein måte som skil seg ut, bygger tillit og gjer merkevara tydelegare. Bak selskapet står søskenparet Josefine og Daniel Spiro, som har etablert ei solid verksemd med hovudkontor på Horisont Fosnavåg.

Josefine skal dele om den ekte gründerreisa:
– korleis dei fekk dei første B2B-kundane sine
– kva som faktisk funkar når du skal etablere deg i eit konkurranseprega marked
– og ikkje minst: ærleg om utfordringane som dukkar opp når ein startar frå scratch – og korleis dei har jobba seg gjennom dei.

 EasyCheese-gründer Håkon Engeset
Korleis går ein frå ein enkel idé til eit produkt som blir ein nasjonal snakkis? På Gründergløgg 4. desember får du høyre den ekte historia frå gründeren sjølv. Håkon deler erfaringar om korleis det starta, kva som måtte til for å kome i gang, og kva han har lært på vegen når ein utviklar noko heilt nytt for eit breitt publikum.
Dette blir eit jordnært og inspirerande innblikk i innovasjon i praksis – perfekt for deg som er nysgjerrig på entreprenørskap eller vurderer å satse sjølv!

 Metizport
Gjengen bak Metizport har på få år utvikla ei lokal satsing til ein internasjonalt retta suksess innan e-sport og ungdomskultur.
Dei skal fortelje om korleis ein bygg struktur i ein ung bransje, korleis ein handterer raske skift, og kva ein lærer når ein skal skalere eit digitalt og kreativt prosjekt i høgt tempo.

 BASEN Ulsteinvik
Blant dei ferskaste gründarane som tek turen, finn vi teamet bak det nye treningssenteret BASEN, som opnar i Ulsteinvik over nyttår. Dei fortel om kva som fekk dei til å satse, kva som har vore dei viktigaste vala undervegs, og korleis det er å utvikle eit fysisk tilbod midt i ei tid med stor konkurranse og høge forventingar.

 Og så har vi sjølvsagt med oss eminente Robert Voldnes i hoppid/ÅKP, som er Ulstein sin inngangsport til gründermoglegheitene i regionen. Han kombinerer realisme og entusiasme – med ærlege, nyttige tilbakemeldingar som gir ein tidleg realitetssjekk og sparar deg for snublesteinane seinare.

 Her er det berre å meld seg på, for dette blir kjekt: https://forms.office.com/e/kQczGPph4V