På Gründergløgg får deltakarane høyre frå to heilt ulike, men like spennande festivalmiljø.
Sunnmøre Strikkefestival, som på rekordtid har etablert seg som ein favoritt blant strikkeentusiastar, kjem for å dele innsikt frå ei verd av målgrupper, trendar og frivillig kraft.

I den andre enden av skalaen møter vi teamet bak Randorama, den splitter nye toppturfestivalen som debuterer på Sunnmøre i mars og allereie skapar stor merksemd.

Trass ulike konsept deler dei mange av dei same utfordringane: finansiering, marknadsføring, målgruppeforståing, partnarskap – og ikkje minst mot til å ta val undervegs.

Frå Fosnavåg kjem Josefine Spiro frå JoDa Media, som på kort tid har bygd opp ei solid verksemd innan strategisk historieforteljing og merkevarebygging. Ho vil dele den ekte gründerreisa til selskapet: korleis dei fekk sine første B2B-kundar, kva som faktisk fungerer i eit konkurranseprega marked, og korleis dei har handtert utfordringane som dukkar opp når ein startar frå scratch.

JoDa Media jobbar med noko alle verksemder treng, men få meistrar fullt ut – og Josefine sine erfaringar er høgst relevante for gründarar i alle fasar.

Vi får også besøk av Håkon Engeset – gründeren bak Easy Cheese, matproduktet som har fått både lokal og nasjonal merksemd. Her får deltakarane høyre korleis ein enkel idé blei til ei konkret satsing, kva som skulle til for å kome i gang og kva ein lærer på vegen når ein utviklar eit heilt nytt produkt for eit breitt publikum. Dette blir eit nyttig og jordnært innblikk i innovasjon i praksis.

Metizport – innovasjon i ein bransje i konstant endring

Eit av dei mest dynamiske innslaga denne kvelden blir møtet med Metizport, som på få år har utvikla seg frå ei lokal satsing til ein internasjonalt retta aktør innan e-sport og ungdomskultur.
Metizport kjem for å fortelje om korleis ein bygg struktur i ein ung bransje, korleis ein handterer raske skift, og kva ein lærer når ein skal skalere eit digitalt og kreativt prosjekt i høgt tempo.
Her får deltakarane innblikk i alt frå partnarskap og finansiering til organisering og reelle utfordringar bak ein veksthistorie som stadig tek nye steg.

Blant dei ferskaste gründarane som tek turen, finn vi teamet bak det nye treningssenteret Basen, som opnar i Ulsteinvik over nyttår. Dei fortel om kva som fekk dei til å satse, kva som har vore dei viktigaste vala undervegs, og korleis det er å utvikle eit fysisk tilbod midt i ei tid med stor konkurranse og høge forventingar.

UNF ønskjer med Gründergløgg å styrke eit levande og inkluderande gründermiljø i regionen. Trass ulike bransjar, ulike målgrupper og ulike typar verksemder møter entreprenørar mange av dei same utfordringane. Å få moglegheit til å utveksle erfaringar, få realitetssjekkar og kjenne at ein ikkje står åleine, kan vere heilt avgjerande.

Kveldens program legg difor opp til både fagleg påfyll og sosial mingling – og sjølvsagt ein god dose julestemning.

Kveldens vertskap inkluderer også Robert Voldnes (hoppid.no/ÅKP), Ulstein sin «inngangsport» til råd, støtte og utviklingsmoglegheiter for gründerar. Robert er kjend for sin kombinasjon av realisme, entusiasme og konkrete tilbakemeldingar som sparer mange for dyrebar tid – og nokre snublesteinar.

⏰ Tid: 4. desember kl. 16.30–18.30
📍 Stad: Skaparhuset, Ulsteinvik
💰 Pris: Gratis – inkludert gløgg og julekaker
🎁 Del av: Julstein adventskalender

16:30 – Velkomst og gløgg
16:45 – Gründerhistorier frå scena
17:30 – Snøggprat: Bli kjent på fem minutt
18:00 – Felles refleksjon / mini-workshop
18:30 – Avslutning og hyggeleg snikksnakk

Arrangementet er ope for alle – og det er meir enn lov å ta med ein ven. Dette blir kjekt!