Årets tema er felles eigenberedskap, med fokus på samarbeid og fellesskap.
Omgrepet beredskapsvenn står sentralt, og kampanjen har særleg fokus på å nå ungdom under 30 år. Vi oppmodar næringslivet til å tenkje kreativt – til dømes ved å synleggjere produkt og tenester som kan vere nyttige i ein beredskapssituasjon.

Kvifor er eigenberedskap viktig for næringslivet?

Ved bortfall av straum, vatn eller mobilnett kan lokale ressursar og forsyningslinjer bli pressa. God førebuing kan:

• Hindre tomme lager og sikre drift

• Sikre alternativ betalingsløysing dersom digitale system sviktar

• Sørgje for at viktige varer, som DSB si eigenberedskapsliste peiker på, er tilgjengelege. Dette kan vere: mat, vatn, batteri, hygieneartiklar, varme klede og pledd.

Eksempel på verksemder som kan bidra:

• Daglegvarebutikkar: mat, drikkevatn, hermetikk og tørrvarer

• Apotek og velværebutikkar: hygieneartiklar, førstehjelpsutstyr, medisinar

• Klesbutikkar og interiørforretningar: varme klede, ullplagg, pledd

• Byggevarehus og elektrobutikkar: batteri, lommelykter, stormkjøkken, gass

• Spesialforretningar: radioar, batteribankar, vassfilter m.m.

Eigenberedskap påverkar alle næringar, og næringslivet har ei viktig rolle i å styrke lokal motstandskraft.

Kva kan du gjere som verksemd?

1. Vurder eigen risiko og sårbarheit – kva treng du for å halde drifta i gang?

2. Informer tilsette og kundar om eigenberedskap – bruk gjerne DSB sitt kampanjemateriell

3. Synleggjer relevante produkt og tenester – gjerne med tiltak som engasjerer unge og styrkar fellesskap

Ressursar og materiell

DSB har utvikla kampanjemateriell som kan brukast fritt, inkludert plakatar, brosjyrar og sjekklister.
Finn alt her: DSB – Eigenberedskap

La oss stå saman – for eit tryggare og meir robust Ulstein samfunn!

The post Marker Eigenberedskapsveka 2025! appeared first on Ulstein Næringsforum.